*ANG AKONG PINALANGGANG LOLA

Bilib jud ko sa akong lola...kamao moluto, kamao mananum, daghan og binuhi nga hayop sama sa baboy, manok, kanding og ang iyang paborito iyang baka. Bisag tiguwang na, abtik lang gihapon. Sayo kaayo mo mata nya dugay pa jud matulog. Unsahay sa kadaghan nga buluhaton makalimot siya og ka.on. Mao kini ang hinungdan sa panaglalis unsahay sa akong mama og ni lola. Matud pa sa akong lola dili siya mabuhi og magsige og lingkod mao dili jud pwede nda wala siya'y buhi.on. Mao ni nga kada gabii magsakit iyang tuhod og iyang likod. Sa bata pa ko iyang patumban iyang hawak o payud man kuno to. Karon bug.at naman ko mao, hiluton nalang nako gamit ang kamot kay kuyawg akong tumban....

Bisag grade 2 ra ang nahuman sa akong lola daghan siya og nahibaw.an. Ingon ana pud ang akong nabantayan sa uban nga mga tiguwang....mga intilihente man sila....wala man goy samok sa pagtu.on sa una dili sama karon naay computer, cellphone, mga malls, mga bars og uban pa.

Pero usa ka abilidad sa akong lola nga dili nako malimtan mao ang iyang kahibawo sa pagpanupi. Sa bata pami, daghan mi ato og kuto (hhehehheheheh) mao inig taas sa among buhok, putlan dayon sa akong lola. Usa ka higayon ni.ana, gitawag ming tulo ka managsu.son sa akong lola. Kasabot dayon mi nga operation tuli napud sa buhok. Unang gitupihan among kinama.gwangan nga ate nag si Sheila, sunod unta si Louela pero wala siya nagpaputol kay ganahan lagi siya magpataas og buhok. Nindot man pud gud iya hair kay tul.id jud kaayo. Amo sa akong ate Sheila kay naa may pagka.natural...(wavy gud manghud gamay sa kulot). Ako jud dayon gisunod sa akong lola. Sa wala pa ko nagpatupi, ako siyang gipangutana kong unsa ang pangalan sa porma sa buhok nako inig human og tupi...mao ni iyang tubag "nindot ni dai kay sibin..sibin maning tupiha". Nindot man pud paminawon ang sibin..sibin....mao okey kaayo ko. Lingkod jud dayon sa lingkuranan. Paghuman og tupi, gaan kaayo akong pamati. Pagtan.aw nako sa akong lola iya pud kong gi.ngisihan. Nidagan dayon ko sa taas para motan.aw sa akong dagway. Pagtan.aw jud nako sa samin mi.tibi jud dayon ko og dayon hilak sa taman. Linaki ang akong tupi (tabang og hilak). Kadtong panahuna naka.ingon ko nga ako ang babaye nga version ni Fernando Poe Jr....... Bisag asa ko molakaw o molaag ato dili nalang ko mahibulong kon tawgon ko og "dong".....paetz kaayo.......wala na tawon ko patupi sa akong lola noh! babaye na jud ko hantud karon (hehehehehehhe).